No ano 2002, dentro dun convenio entre a Delegación en Lugo do Colexio Oficial de Arquitectos de Galicia e o Concello de Lugo, organizouse un traballo no que diversos arquitectos de Lugo plantexamos actuacións urbanas para mellorar diversos barrios da cidade de Lugo.
Tratábase de plantexar actuacións de pouco custe económico e que servisen para solventar problemas urbanos e para mellorar e valorizar zonas da cidade que estivesen degradadas.
Dentro dese convenio, encargueime de presentar catorce propostas para a zona norte da cidade (barrios da Milagrosa e A Piringalla). Lamentablemente so se desenrolaron unhas poucas e de xeito parcial e sen a miña participación na execución.
Preséntanse aquí unha pequena selección dalgunhas das propostas presentadas naquel convenio; podendo acceder ó PDF da ficha que recollía cada unha delas premendo na imaxe que as ilustra.