Proxecto para a reforma dun andar dun edificio situado en Rodeiro (provincia de Pontevedra), en pleno "Camiño de inverno" a Santiago de Compostela, a fin de configurar nel un novo Albergue Turístico.
No espazo do inmoble que se redistribúe configúranse tres dormitorios diferenciados para liteiras, lavadeiro-tendal, un salón-comedor-cociña ó servizo dos hóspedes e catro aseos con ducha.
A distribución do espazo apoiase en formas elípticas que permiten o acceso dende a entrada do Albergue a cada un dos dormitorios, a zona de aseo e a de salón, sen interferencias entre elas e creando un espazo interior interesante e con riqueza arquitectónica.
